Новости Казахстана, Новости России и мира,Обновляемая лента новостей

Жүзден астам адам ауырған Қызылжарда судың ластанғаны анықталды


Солтүстік Қазақстан облысы Бескөл ауылында жүзден астам адамның бір мезетте ауырып, дәрігерге шағымдануына судың ластануы себеп болуы мүмкін. Бейсенбі күнгі брифинг кезінде жергілікті СЭС мамандары ауыз судың құрамындағы микробтар мөлшері нормадан асып кеткенін хабарлады.

28 мамыр мен 3 маусым аралығында Бескөл ауылының 130-дан астам тұрғыны жүрек айну, іш өту белгілерімен дәрігерлерге шағымданған. 18 адам ауруханаға жатқызылған. Дәрігерлердің айтуынша, алдын ала диагнозы – анықталмаған энтеровирустық инфекция.

«Санэпидқызметтің мамандары эпидемияға қарсы профилактикалық шаралар жүргізіп жатыр. Тұрғын үйлерден және халық жазда шомылатын Есіл өзенінен санитарлық-химиялық, бактериологиялық және вирусологиялық сынама үлгілері алынды. Бактериологиялық көрсеткіштер оң шықты. Алты науқастың үйінен алынған сынама үлгілерінде микробтар мөлшері нормадан асып кеткен. Бұл судың ластанғанын көрсетеді, қосымша сараптама тағайындалды» деді Қызылжар ауданы санитарлық-эпидемиологиялық қадағалау жөніндегі басқарма жетекшісі Жангелді Ибраев.

Мамандар сынама үлгілеріндегі микробтардың көптігі сонша оларды тіпті санап үлгере алмағанын айтты. Қазір олардың түрін анықтап жатыр. Судың ластануына не себеп болғаны да зерттеліп жатыр.

Елді мекенді сумен қамтамасыз ететін мекеме өкілдері ұзындығы 30 шақырым болатын 1970 жылғы су құбырларының тесілуі мүмкін екенін айтқан. Олардың ойынша, құбырларды заңсыз кесіп әкету де судың ластануына себеп болуы мүмкін.

Жергілікті билік тұрғындарға әзірге суды қайнатып ішуге немесе сатып алуға кеңес берген.

Источник

KAZAKBOL.COM
Вам также могут понравиться

Оставьте ответ

Ваш электронный адрес не будет опубликован.

Уважаемые посетители KAZAKBOL.COM ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.

KAZAKBOL.COM