Жогорку Кеңеш комитеті қырғыз-өзбек шекарасы бойынша заң жобасын үш оқылымда мақұлдады

Жогорку Кеңештің Халықаралық істер, қорғаныс, қауіпсіздік және миграция бойынша комитеті «Өзбекстан мен Қырғызстан шекарсын белгілеу және Кемпірабад су қоймасын бірлесіп басқару бойынша қырғыз-өзбек үкіметаралық келісімін бекіту жөніндегі заң жобасын» үш оқылымда мақұлдады.

Енді бұл құжат парламенттің жалпы отырысына шығарылады.

Бұл заң жобасына дауыс берер алдында төрт депутат — Адахан Мадумаров, Нуржигит Кадырбеков, Чыңгыз Айдарбеков және Нилуфар Алимжанова залдан шығып кетті. Депутаттар Айбек Осмонов пен Миргүл Темирбаева отырысқа қатыспады.

3 қарашада Бішкекте Қырғызстанның сыртқы істер министрі Жээнбек Кулубаев пен Өзбекстан сыртқы істер министрі Владимир Норов қырғыз-өзбек шекарасының бірқатар учаскелері жөнінде келісімге, Кемпірабад су қоймасын бірлесіп басқару жөнінде, су шаруашылығы мәселелері бойынша қызметтесу жөнінде келісімге қол қойған.

Президент Садыр Жапаров қырғыз-өзбек шекарасындағы Кемпірабад су қоймасын бірлесіп басқару бойынша мемлекеттік “Кабар” агенттігіне сұқбат беріп, «қырғыз тарап шекара бөлісуде ұтқанын» айтқан.

Келісімге сәйкес, Кемпірабад су қоймасын Қырғызстан мен Өзбекстаннан 12 адамнан (жалпы 24 адам) тұратын бірлескен комиссия басқарады.

Қырғызстанд Кемпірабад су қоймасының жерін Өзбекстанға беруге қарсы болған 30-ға жуық белсенді жаппай ұсталып, қамауға алынды.

Билік оларға қарсы «жаппай тәртіпсіздік ұйымдастырмақ болды» деген бап бойынша қылмыстық іс қозғады.

Источник