KAZAKBOL.COM
Қарақалпақстанда кейінгі бірнеше апта бойы рейдтер ұйымдастырылды. Тексерулер барысында іздеудегі 132 адам ұсталып, тергеу органдарына тапсырылды.
Бұл туралы ӨзА ақпарат агенттігі Қарақалпақстан ішкі істер министрі Батияр Төребековке сілтеме жасай отырып хабарлады.
«Тазалау-антитеррор» деп аталатын рейд барысында Қырғызстанда 18 200 нысан мен 89 мың үй тексерілген. Оған қоғамдық белсенділер де қатысқан.
Бұған қоса, түсіндіру жұмысынан соң жергілікті тұрғындар 344 дана аңшы мылтығы мен 170 оқдәріні құқық қорғау органдарына өз еркімен тапсырған. Із-түссіз жоғалды деп есептелген 12 адам үйге қайтарылған.
Похожие статьи
57 мыңнан астам заң бұзушылық анықталып, кінәлілер жауапқа тартылды, деп хабарлады агенттік.
Қарақалпақстандағы рейдтер Нүкістегі қанды оқиғаларға шамамен алты ай өткен соң ұйымдастырылып отыр. 2022 жылғы 1-2 шілдеде жергілікті тұрғындар Өзбекстан Конституциясына өзгеріс енгізуге қарсы наразылыққа шыққан. Ата заңның жаңа жобасында Қарақалпақстан егемендігі мәртебесі мен республика құрамынан өз еркімен шығу құқығын алып тастау қарастырылған.
Өзбек билігінің мәліметінше, Нүкістегі наразылық барысында 21 адам қаза тауып, 243 адам жараланды. 500 адам ұсталды.
Қарақалпақстанда жақындағы рейдтерде ұсталған 132 адамның Нүкіс оқиғасына қатысы бар-жоғын Өзбекстан билігі әзірге хабарлаған жоқ.
KAZAKBOL.COM
