KAZAKBOL.COM
Қырғызстанның Ұлттық қауіпсіздік комитетінің (ҰҚМК) мәліметінше, Чоң-Алай ауданындағы қырғыз-тәжік шекарасындағы жағдай тыныш.
«Унжу-Булак аймағында ахуал тыныш. Қырғызстан мен Тәжікстан үкіметі делегацияларының кездесу қорытындысына сәйкес, аймақтан екі тараптың қарулы күштерін алып кету аяқталды», деп жазылған мәліметте.
Бірақ қырғыз жағы аймақ шекарашылар тарапынан күшейтілген режимде күзетіліп жатқанын жеткізген.
Похожие статьи
Қырғызстанның шекара қызметі 4 маусымда таңға жуық тәжік әскері Ош облысының Унжу-Булак деген елді-мекеніне контейнер орната бастағанын және қырғыз аумағына 1000 метр ішке кіріп кеткенін хабарлаған. Ол жерге тәжік әскері брондалған әскери көлік пен техника қоя бастаған.
Осы оқиғадан кейін 4 маусымда екі елдің сыртқы істер министрлері елшілерді шақырып, бір-біріне наразылық ноталарын жолдаған.
Қырғызстанның Ұлттық қауіпсіздік комитетінің төрағасы Камчыбек Ташиев пен Тәжікстан Ұлттық қауіпсіздік комитетінің төрағасы Саймумин Ятимов 5 маусымда кездесіп, бірлескен мәлімдеме жасаған. Оған сәйкес, екі тарап шекара бекеттерін өзінің аймағына қарай теңдей 3 шақырымға жылжытады. Әскерлер мен әскери техникалар бұрынғы орнына қайтарылады.
KAZAKBOL.COM