Новости Казахстана, Новости России и мира,Обновляемая лента новостей

ҚЫТАЙМЕН САУДА ТОҚТАҒАН ЖОҚ


Коронавирус төңірегіндегі шудан пайда тапқысы келетіндер жазаланады! Шекара жабылғанын сылтауратып, бағаны шарықтатқан сатушылар туралы хабар беріңіздер, деп сауда министрлігі халықтан көмек сұрауда. Сөздерінше, импорт-экспорт жағынан мәселе жоқ. Бірақ аспан асты еліне турпакеттер сатып қойған фирмалар шығын көріп отыр екен. Демалысы бұзылған отандастарымыз енді қайтпек? Бұл туралы Еуразия бірінші арнасы хабарлайды.
ЖАНДАРБЕК БЕКШИН, ҚР ДСМ ТАУАРЛАР МЕН ҚЫЗМЕТТЕРДІҢ САПАСЫ МЕН ҚАУІПСІЗДІГІН БАҚЫЛАУ КОМИТЕТІ ТӨРАҒАСЫНЫҢ ОРЫНБАСАРЫ:
«Құрметті журналистер, шекара 3-ші ақпаннан бастап Қытаймен шекараға іс жүзінде жабылды. Бүгін соңғы ұшақтар біздің азаматтарымызды әкеледі. Ертеңнен бастап тікелей әуе қызметі тоқтайды».

Бар дүрбелең Бекшин мырзаның мына мәлімдемесінен кейін басталды. Кей басылымдар Алматыдағы Барахолкадағы саудагерлер банкрот алдында тұр деп жария етті. Қорғас тоқтаған соң, тауар жеткізу қиындаған көрінеді. «Қытаймен шекара жабылғандықтан, бағаны өсіруге мәжбүр болдық» деген сатушылар да шығыпты. Бүгін Үкімет отырысан келген Сауда министрі екі ел азаматтарының өзара қозғалысы тоқтағанымен, тауар жеткізуде еш өзгеріс жоғын айтты. Жоқ нәрсені сылтауратқандар болса, айыппұл салдырамыз деп отыр.

БАҚЫТ СҰЛТАНОВ, ҚР САУДА ЖӘНЕ ИНТЕГРАЦИЯ МИНИСТРІ:
«Сатушылар бағаларын көтеріп отырса, бұл ақпаратты бізге беру қажет. Ал біздер тиісті органдар монополияға қарсы органдар, салық органдары тиісті жұмыс жүргізіп, талдау жасап, себепсіз бағаларды көтерген сатушыларға тиісті заңмен белгілі шараларды қабылдайды».

«Індет тауар арқылы да тарайды ғой» деген дабыраға тағы Бекшин мырза жауап берген еді. «Вирус тірі жаннан жұғады, оның үстіне дене қызуы жоғары болса ғана», деген болатын.

ЖАНДАРБЕК БЕКШИН, ҚР ДСМ ТАУАРЛАР МЕН ҚЫЗМЕТТЕРДІҢ САПАСЫ МЕН ҚАУІПСІЗДІГІН БАҚЫЛАУ КОМИТЕТІ ТӨРАҒАСЫНЫҢ ОРЫНБАСАРЫ:
«Коронавирус 37 градуста сақталады. Сондықтан, көріп отырсыздар ғой, бұл вирус жануарлардың ішінде, ағзасында сақталып жүреді, көбірек өмір сүреді деп айтуға болады. Сондықтан, сыртқы ортада бұл вирус тұра алмайды, ол тез жойылады».

Кәсіпкерлер палатсының төрағасы да оны растады. Тек екі ел арасындағы туристік қатынастың қиындайтынын айтып қалды.

АБЫЛАЙ МЫРЗАХМЕТОВ, «АТАМЕКЕН» ҚР ҰЛТТЫҚ КӘСІПКЕРЛЕР ПАЛАТАСЫНЫҢ БАСҚАРМА ТӨРАҒАСЫ:
«Келіп жатқан тамақ, тірі мал, ол жүрмейді, әрине, онда вирустың таралымы қаупі бар. Ал жалпы басқа тауарлар жүріп жатыр. Егер темір жол саласы бойынша. Ал адамдардың кіру қатынасы, туризмге қазір тосқауыл қойылған. Бірақ оны түсіністікпен қарау керек. Өйткені елдің қауіпсіздігі бірінші орында болуы керек».

Әсіресе, Хайнаньға күні бұрын пакеттерді сатып қойған операторлар шығынға батып жатыр екен. Қыс болса да, ол бағыттың қазір қызып тұрған шағы. Туристік қор оларға қолғабыс етеміз, дейді. Демалысын аспанасты елінде өткізуді ұйғарған азаматтарға бірнеше нұсқа ұсынылып отыр.

ХРИП. ИННА РЕЙ, «ТУРИСТІК ҚАМҚОР» КОРПОРАТИВТІК ҚОРЫНЫҢ ТӨРАҒАСЫ:
«Қытайға шығуды жоспарлаған туристерге 3 нұсқа ұсынылып отыр. Саяхат мерзімін сол туроператор арқылы шегеруге болады немесе Қытайдан басқа елге сапарлау мүмкіндігі беріледі. Ал егер турист басқа елге баруды қаламай, уақыты ыңғайсыз десе, келісімшартқа сәйкес, ақшасы қайтарылады».

Осы айда тек Хайнаньға 6 әуе рейсі жоспарланған екен. Әрбірінде 200 орын болған. Билеттері әлдеқашан сатылып қойған көрінеді. Демек, кем дегенде 1 200 отандасымыз ақпан айында Қытайға баруды жоспарлапты.

Первый канал Евразия

KAZAKBOL.COM
Вам также могут понравиться

Оставьте ответ

Ваш электронный адрес не будет опубликован.

Уважаемые посетители KAZAKBOL.COM ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.

KAZAKBOL.COM