Қытай Иран арқылы Өзбекстанға тауар жеткізе бастады

Қытайдың Сямынь портынан шыққан алғашқы контейнер пойыз Өзбекстанға жетті. Бұл туралы «Өзтемиржолконтейнер» компаниясының баспасөз қызметі хабарлады.

Мәлімдемеде тұрмыстық техникалар жүктелген 40 футтық 39 контейнер 14 күннен кейін, 25 маусымда Ташкенттегі Сергели станциясына жеткені айтылған.

Ақпаратқа қарағанда, контейнерлер Қытайдан теңіз арқылы Иранның Бандар-Аббас портына жеткізіліп, ондағы темір жол платформаларына жүктеліп, Түркіменстан арқылы Өзбекстан аймағына кірген.

Осыған дейін Өзбекстанның көлік министрлігі Қытайдың Ланжоу станциясынан Ташкентке блок пойызы жөнелтілгенін, бұл рейс «Қытай-Қырғызстан-Өзбекстан» көлік дәлізі арқылы жүк тасу мақсатында басталғанын айтқан.

Источник