Ас содасын ішкен адамның ағзасында қандай өзгерістер болады?

Ал емделу тәсілдері мынадай:

Соданың белгілі бір мөлшерін таңертең, ашқарынға ішіп тұру керек. Сосын оны күні бойы, тамақтан жарты сағат бұрын және тамақ ішіп болған соң бір сағаттан кейін ішу қажет. Яғни онда ол кезде ас болмауы, ас қорыту процесі жүріп жатпауы тиіс. Ал соданы алғашқыда пышақ ұшымен аз ғана ішіп алу керек, қажет болса, мөлшерін біртіндеп көбейтеді.

Соданы аптасына немесе айына бір мәрте деген курспен де қабылдауға болады. Тек ағзаны тыңдай біліңіз, ол қабылдамаса, сода ішуге зорламаңыз. Бұл – соданы қабылдау ережелері.

Ал оны қабылдау тәсілдері мынадай:

— Кей аурулардың алдын алу үшін таңертең ашқарынға шай қасықтың үштен біріндей мөлшердегі соданы алдымен жылы суға, сосын үстінен мұздай су араластырып (температурасы 40 градустай болғанда) ішу керек. Асқазан үшін ішілетін болса, бөліп-бөліп ішіледі, ал ағзаның басқа мүшесі үшін болса, сіміріп ішуге болады. Курсы – бір-екі апта, күніне үш мәртеден. Кейде бір айға дейін ішуге болады.

— Таңертең ашқарынға 700-900 миллилитр сода ерітіндісін ішіңіз. Ол үшін қайнаған суға 1 шай қасық сода салады да, араластыра отырып қажетті температурада жылытады. Ашқарын­ға ішеді. Ол бауырды тазартады, иммунитетті арттырады, паразиттерді жояды. Бір апта бойы, сосын айына бір мәрте ішіп тұру керек.

— Аптасына екі мәрте мынадай ерітіндіні ішуге болады. Жарты литр ыстық суға жарты шай қасық сода салып аралас­тырып, салқындатып, ашқарынға ішуге болады. Сода мөлшерін біртіндеп көбейтуге де болады. Жалпы, мөлшері адамның қай ауруды емдеуіне, жай-күйіне сәйкес таңдалады.

Сода қатерлі ісіктің алдын алу үшін де қолданылады, ол өкпе аурулары кезінде жөтелді жеңілдетеді. Сондай-ақ асқазан-ішек ауруларына қарсы пайдасы бар. Ағзаны сілтілендіруде пайдасы мол, өтте, несеп қабында, бүйректе тас болса, оны ерітеді. Ол буындағы, омыртқадағы іркілген зиянды заттарды жоя алады, қанды сілтілендіреді. Оны жәндік шаққан жерге де жағуға болады.

Суықтағанда, ангинада ингаляция түрінде пайдалануға да болады. Көз қабынғанда әлсіз ерітіндісін пайдалануға мүмкіндік бар. Онымен тісті тазартып, табиғи қалпына келтіруге де мүмкіндік бар. Аяқ-қолдағы саңырауқұлақтарлы жоюға (ванна арқылы), алақандағы, табандағы күсті жібітуге қолданылады.