KAZAKBOL.COM
Батыс Австралия университетінде дәріс беретін тәжік ғалымы Абдусалом Одиназода шетелде терроризмге үндеді деген айып бойынша кінәсін мойындады, деп хабарлады West Australian ақпарат агенттігі.
Одиназода 2020 жылғы 22 желтоқсанда австралиялық Перт қаласындағы үйінде ұсталды. Оған терроризмді насихаттады, интернетте экстремистік материал таратты деген айып тағылды. 54 жастағы биохимик 6 жылға сотталуы мүмкін.
West Australian агенттігінің 1 тамызда хабарлауынша, Абдусалом Одиназода тағылған айыптар бойынша кінәсін мойындады. Билік оны елдегі ең қауіпті адамдардың бірі деп есептейді. Ресми ақпаратқа қарағанда, ақпан айында Австралия полициясы интернетте «зорлық-зомбылыққа үндейдін видео» жариялаған Абдусалом Одиназоданың ісін тергеу бастады.
Похожие статьи
«Абдусалом Одиназода федералдық билік назарына 2020 жылғы ақпанда іліккен. Сол кезде ол Тәжікстанда «саяси астары бар зорлық-зомбылыққа үндейтін» материалдарды әлеметтік желілерде жариялап жүрген. Екі айдан соң Австралия полициясы 54 жастағы ғалымның үйін тінтіп, оның электронды құралдарының бірқатарын тәркіледі. Желтоқсан айында ғана бұрынғы биохимикке терроризмге үндеді деген ресми айып тағылды. Ол алты жылға сотталуы мүмкін», деп жазды West Australian.
Агенттік мәліметінше, Абдусалом Одиназодаға қатысты сот үкімі биыл тамыз айында жарияланады.
Одиназода Перт қаласындағы Батыс Австралия университетінде он жылдан астам уақыт жұмыс істеді, екі жыл бұрын полиция оны ұстағаннан бері қамауда отыр.
KAZAKBOL.COM