KAZAKBOL.COM
Қазақстан «Жаһандық бақыт коалициясын» құру туралы меморандумға қосылды, деп хабарлады ресми баспасөз.
Бұл құжатқа Дубайда өтіп жатқан дәстүрлі Дүниежүзі үкіметтері саммитінде 12 ақпанда Қазақстанның ақпарат және коммуникациялар министрі Дәурен Абаев қол қойды. Меморандумды Біріккен Араб Әмірлігі, Коста-Рика, Мексика, Португалия және Словения қабылдаған.
Қазақстан үкіметінің сайтында дүйсенбі күні жарияланған хабарламада айтылғандай, саммитке қатысушылар «азаматтардың мемлекеттік және әлеуметтік қызметке ризашылығын арттыру» мәселесі талқыланған.
Похожие статьи
Форумда БАӘ премьер-министрі және Дубай әмірлігінің басшысы Мұхаммед бен Рашид Әл Мактумның мәлімдеуінше, «әлемге халықтардың бақыты мен әл-ауқаты үшін жұмыс істейтін коалициялардың жаңа түрлері қажет».
Біріккен Араб Әмірліктерінде «бақыт» термині түрлі деңгейдегі мемлекеттік органдар жұмысының басты мақсаты ретінде қолданылады. Форум 14 ақпанда аяқталады.
KAZAKBOL.COM
