Новости Казахстана, Новости России и мира,Обновляемая лента новостей

Байден: «Путинмен кездесу кезінде адам құқықтары мәселесін көтеремін»


АҚШ президенті Джо Байден 16 маусымда Женевада Ресей президенті Владимир Путинмен кездесу кезінде адам құқықтары мәселесін көтеретінін айтты. Ол бұл мәселеде АҚШ пен Батыстың өзге елдерінің ортақ ұстанымын жеткізетінін мәлімдеген.

Байденнің бұл айтқандарын Washington Post газеті жариялады.

Байденнің Еуропаға сапары президент ретінде бірінші болғалы тұр. Ол сапары барысында бірінші кезекте одақтастары «Үлкен жетілік», НАТО және Еуроодақ лидерлерімен кездеспек.

АҚШ президенті сапарымның мақсаты «Американың одақтастары мен әріптестеріне адалдығын дәлелдеп, қазіргі дәуірге төніп тұрған қатерді тек демократиялық тұрғыдан жеңуге болатынын көрсету» деген.

Байденнің сөзінше, алдымен одақтастары, әріптестерімен бас қосқаннан кейін барып, Ресей президентімен Женевада кездеспек.

АҚШ президенті Ресейден кикілжің емес, тұрақты қарым-қатынас іздейтінін атап өтті. Бірақ Мәскеуге «зиянды іс-әрекеттері үшін» жауапкершілік жүктейтінін де жоққа шығармады.

«Біз кездескен кезде, мен АҚШ, Еуропа елдері үшін демократия мен адам құқықтары мәселесі маңызды екенін тағы еске саламын», — деген Байден.

Женевадағы кездесу АҚШ президентінің бастамасымен ұйымдастырылып отыр. Бұл ұсынысқа бастапқыда Кремль ұзақ жауап бермеді, кейіннен келісті.

Байден әкімшілігі жақында Ресейге сайлауға араласты, Украина тұтастығына қол салды, оппозиционер Алексей Навальныйды қуғындады деген себептермен тағы да санкция салған.

KAZAKBOL.COM
Вам также могут понравиться

Оставьте ответ

Ваш электронный адрес не будет опубликован.

Уважаемые посетители KAZAKBOL.COM ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.

KAZAKBOL.COM