KAZAKBOL.COM
Германия астанасы Берлинде көлік бір топ адамның ішіне кіріп кетті. Салдарынан бір мұғалім көз жұмып, 14 оқушы түрлі жарақат алған. Бұл туралы бүгін Би-би-си хабарлады.
Оқыс оқиға Берлиннің батысындағы Шарлоттенбург ауданында болған. Куәлердің сөзінше, сұр түсті Renault Clio көлігі алдымен тротуарда кетіп бара жатқан бір топ адамның арасына кіріп, кейін көшеге қайта шығып, жақын маңдағы дүкендердің біріне барып соғылған.
Похожие статьи
Зардап шеккен Гессен қаласының оқушылары Берлинде экскурсия жасап жүрген. Кей дерекке қарағанда, жарақат алғандар 30 адамға жетуі мүмкін, кейбірінің жағдайы өте ауыр.
Полицияның хабарлауынша, көлікті айдаған 29 жастағы Берлин тұрғыны ұсталған. Ол адамның Германия және Армения елдерінің азаматы екені анықталған. Қазір оқиғаның мән-жайы мен себебі анықталып жатыр.
KAZAKBOL.COM