KAZAKBOL.COM
Ресми Бейжің Синьцзян провинциясында бір миллион мұсылман-ұйғырды қамауға алды деген ақпарат шындыққа сәйкес келмейді деп мәлімдеді. Бұл жөнінде BBC хабарлайды.
«Ұйғырлар толыққанды Қытай азаматтары, бірақ діни экстремизмге алданып қалғандарды көшіру мен қайта оқыту арқылы көмек көрсетілетін болады», — деп жазылған Қытай үкіметінің Женевадағы БҰҰ-ның кеңсесінде жасалған мәлімдемесінде.
Құқық қорғау ұйымдары Қытай провинциясында мұсылман-ұйғырлардың жаппай ұсталып жатқанын көтерген. Арнайы лагерьлерде ұйғырларды Қытай президенті Си Цзиньпинге бас иіп, ант беруге мәжбүрлейді дейді құқық қорғаушылар.
Ұйғырлардың бүкіләлемдік конгрессі мұсылмандарды лагерьлерде мерзімсіз қамап, Қытай Компартиясының ұрандарын айқайлап айтуды талап етеді екен.
Үкімет оларды діни экстремизммен күрес аясында ұстады дегенмен, деніне ресми айып таққан емес.
Қытайдың солтүстік-батысында мұсылмандарды жаппай ұстау жөніндегі ақпарат аймақтағы жағдайдың ушығуына сәйкес келді.
Мұсылман-ұйғырлардың Қытайдың орталық билігімен қарсы тұруы ондаған жылдар бойы жалғасып келеді.
KAZAKBOL.COM