Бішкек милициясы Ресей елшілігі алдына жиналған қырғыз құқық қорғаушыларын ұстады

Бішкек милициясы 17 наурызда Ресейдің Қырғызстандағы елшілігі алдына жиналған адам құқықтарын қорғаушылар — Ондуруш Токтонасырова, Динара Ошурахунов және Әзіз Әбдірасуловты ұстады.

Мәліметті «Кылым шамы» адам құқықтарын қорғау ұйымының жетекшісі Гүлшайыр Әбдірасулова Азаттықтың Қырғыз қызметіне растады. Құқық қорғаушылар елшілік алдына Украинаны қолдау мақсатын көздейтін бейбіт акция өткізуге жиналған.

Милиция болған оқиғаға қатысты әзірге мәлімет таратқан жоқ.

14 наурызда астанадағы аудандық соттардың бірі милицияның Бішкектің кейбір жерлерінде акция мен митинг өткізуге тыйым салатын 11 наурыздағы шешімін заңды деп таныған. Соған байланысты Жоғорку Кенеш, үкімет, Ресейдің Қырғызстандағы елшілігі, сонымен бірге Ала-Тоо алаңында акциялар мен митингілер өткізуге 11 сәуірге дейін тыйым салынған.

Қала тұрғындарына мұндай шараларды Максим Горький атындағы саябақта өткізуге рұқсат берілген.

Источник