Болгарияда жолаушы автобусы апатқа ұшырап, қырықтан астам адам опат болды

Болгарияның батысында жолаушы автобусының апатынан кем дегенде 46 адам қаза тапты.

Олардың арасында балалар да бар. Жеті жолаушы ауруханаға түсті.

Жол апаты жергілікті уақыт бойынша түнгі сағат екілер шамасында Боснек ауылының маңында болған. Алдын ала мәлімет бойынша, автобус жолдың екі жағындағы бөгеттердің біріне соғып, одан соң өртенген.

Автобуста Солтүстік Македония нөмірі болған. Осы елдің сыртқы істер министрі Буяр Османидің хабарлауынша, жолаушылар Түркиядан Скопьеге қайтып келе жатқан. Туристер демалыс күндері Стамбулды аралаған.

Болгария ішкі істер министрі Бойко Рашков апат орнына барып, жол апатынан қаза тапқандардың денесі өртеніп кеткенін айтты.

Источник