KAZAKBOL.COM
Палестина автономиясы өкілдерінің хабарлауынша, израиль күштері Иордан өзенінің батыс жағалауында орналасқан Дженин қаласындағы операциясы кезінде төрт палестиналықты өлтірген.
Израиль армиясының мәліметінше, әскерилер «террористік әрекеті үшін» іздеуде болған екі содырдың көзін жойған. Олар Израиль сарбаздарына темір ұстап шабуылдамақ болған тағы бір адамды атқан. Израиль әскерилері палестиналық күш құрылымдарының өкілдерімен қақтығысып қалғаны туралы хабарлады.
Похожие статьи
Қаза болғандар арасында 16 жастағы жасөспірім бар. Тағы 20 палестиналық жараланған, төртеуінің жағдайы ауыр. Палестина денсаулық сақтау министрлігінің хабарлауынша, қаза болғандар арасында «Ислам жихады» тобы мен «Хамастың» лауазымы жоғары мүшелері Нидаль Хазем мен Юсуф Шрим бар.
Биыл палестиналық содырлар мен израиль күштері Иорданның батыс жағалауында жиі қақтығысатын болды. Кейінгі бірнеше айда израиль күштерінің операциясы барысында 80-нен аса палестиналық өлтірілген. Палестиналықтар шабуылынан 13 израильдік мерт болған.
KAZAKBOL.COM