KAZAKBOL.COM
Санк-Петербург қаласындағы сот бұзақылық шабуыл жасады деп айыпталған қырғызстандықтарды ақтады. Олар сотта полиция таратыпан күш көрсетілгенін мәлімдеген.
Қырғызстанның үш азаматы — Заирбек Дуйшо, Бекболот Менишба және Нургазы Сарыков сот залынан босап шықты. Олар былтыр қаңтарда Санкт-Петербург тұрғыны Нина Гусенкоға шабуылдап, оны тонады деген күдікпен ұсталған.
Мигранттардың айтуынша, оларға тергеу кезінде күш көрсетілген: бастарына пакет кигізіп, резина тоқпақпен ұрған, сонымен бірге электрошокер қолданылған. Осындай қысымға шыдамаған Заирбек Дуйшо мен Бекболот Менишбай тағылған айыптарды мойындауға мәжбүр болған.
Нургазы Сарыков тағылған айыптарды мойындаудан бас тартқан.
Похожие статьи
‒ Бізді полиция бөлімшесіне алып барып, сол жерде екі жарым тәулік бойы қинады. Мені екі сағат тоқтаусыз ұрды. Кісендеп ұстады. Тұра алмай қалғанда ғана тоқтады. Сосын бізді он екі күн бойы тергеу изоляторында ұстады. Бірақ екі аптаның ішінде ісіктер кете қоймады, — дейді Сарыков.
Қалада орнатылған бейнекамералардағы жазбаның көмегімен күдіктінің қылмыс тіркелген күні басқа жерде болғаны дәлелденген.
Қырғызстанның сыртқы істер министрлігінің мәліметінше, үш мыңға жуық қырғызстандық шетелде жаза өтіп жатыр. Олардың дені Ресейде қамауда отыр.
KAZAKBOL.COM