Новости Казахстана, Новости России и мира,Обновляемая лента новостей

Мирзияевтің аймаққа сапары кезінде махалла қыз-келіншектері «тігінші» рөлін сомдаған (видео)


Өзбекстан президенті Шавкат Мирзияев Әндіжан облысына сапары кезінде Избаскан ауданындағы And gold тігін фабрикасымен танысты.

Әндіжан тұрғындарының «Озодликқа» хабарлауынша, Мирзияев сапары қарсаңында бұл кәсіпорынға жақын маңдағы махаллалардан қыз-келіншектерді жинап, оларға «тігінші» рөлін сомдауды тапсырған.

Мирзияев аймаққа сапарын Избаскан ауданындағы «Кугай» махалласынан бастады. Бірнеше күн бұрын мұнда And Gold тігін фабрикасы іске қосылған.

Мемлекет басшысының тігін кәсіпорынын аралау сәтінен дайындалған бейнерепортаждан фабрикада жұмыс істеп отырған жүздеген қызды байқауға болады.

Репортажда президент Мирзиев тігінші әйелдердің бірімен амандасып, оның жағдайын сұраған.

«Шынымды айтсам, Өзбекстанда туғаныма өте қуаныштымын», – деп жауап берген тігінші әйел.

Президентпен кездескен тігінші әйелдер фабрикаға жақын маңда тұратынын, кәсіпорында жақсы жағдай жасалғанын айтқан.

Мирзияев тігін фабрикасының жұмысшыларына жалақыны бірнеше есе ұлғайтуға уәде берген.

Ресми мәлімет бойынша, And Gold тігін фабрикасы 2,5 миллион долларға салынған. Ресми мәліметте мұнда 830 әйел жұмыс істейтіні айтылған.

Бірақ жергілікті тұрғындар олардың бәрі тігінші емес деп отыр.

– Избаскан ауданы мемлекет басшысының сапарына жақсы дайындалды. Бірақ біз аудан басшысы С. Исмаилов президентті қалай алдағанының куәсі болдық. Олар махалла тұрғындарын кәсіпорында тігінші болып отыруға шақырды. Фабрикада отырған әйелдердің бес пайызы ғана ине ұстай алады, қалған 95 пайызы – хатшы қыздар, махалла мамандары мен төрайымдары. Президент сапары қарсаңында оларға арнайы жұмыс киімін таратты, – деді Әндіжан облысының бір тұрғыны.

Оның айтуынша, репортажда Мирзияевпен сөйлескен әйел шын мәнінде махалла комитетінде жұмыс істейді.

– Президентке кәсіпорында жұмыс істеп жүргеніне риза екенін айтқан әйел онда істемейді. Ол махалла комитетінде істейді. Көзбояушылық! Президент сапары қарсаңында оған мемлекет басшысына не айту керектігін үйретіп қойған. Кәсіпорын президент келерден бір күн бұрын ғана ашылған. Президент кеткен соң олар өз жұмыстарына қайта оралды, – дейді жергілікті тұрғын.

Еске салайық, Шавкат Мирзияевтің Әндіжан облысына сапары 17-18 маусымда өтті.

Источник

KAZAKBOL.COM
Вам также могут понравиться

Оставьте ответ

Ваш электронный адрес не будет опубликован.

Уважаемые посетители KAZAKBOL.COM ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.

KAZAKBOL.COM