Құрметті қала тұрғындары! Оқу жылының басталуына небәрі 3 апта қалуына орай Шымкент қаласы Полиция департаментінің қызметкерлері ата-аналарға өз балаларына жолда жүру ережелерін қатаң түсіндіруді, сондай-ақ бірінші сыныпқа баратын бүлдіршіндерге Жол жүру ережелерін, жолдан өтуде тек қана ересектердің көмегімен бағдаршам арқылы немесе жаяу жүргіншілерге арналған жолақтан өту қажеттігін үйретулерін сұранады.

Шымкент қаласы Полиция департаментінің бастығы полиция полковнигі Ералы Жумаханбетовтің бастамасымен қала аумағында жол қауіпсіздігі деңгейін көтеру мақсатында 2018 жылдың қыркүйек айынан бастап қаладағы ірі көше қиылыстарында және 147 мектептердің алдындағы жаяу жүргіншілерге арналған жолақтардың алдында Жергілікті полиция қызметі басқармасының және Патрульдік полиция полкінің қызметкерлері 3 ауысыммен кезешілік етуде. Бұл бастама өз жалғасын табады.

Тәртіп сақшыларының басты міндеті — жол қозғалысының қауіпсіздігін қамтамасыз ету болып табылады. Осы ретте Полиция департаментінің қызметкерлері қала тұрғындарын жолда жүру ережелерін қатаң сақтау шақырады.

Шымкент қаласы Полиция департаментінің Баспасөз қызметі