Ақ үй иесі мен Голливуд жұлдызының біріктіріліп, фотошоп арқылы өңделген суретін Imgur сайтына аз уақытта 930 мыңға жуық адам кіріп көрген деп хабарлайды The Huffington Post.

Бұл фотошоптың авторы осы сайтта eye2 деген лақап атпен жұмыс істейтін Айзек Лютер екен. 2009 жылы Saturday Night Live шоуында Обаманың ролін ойнаған Джонсон Лютердің бұл туындысына баға беріп қойды. Актер суретті Instagram-да жариялап, оны алғаш көргенде ішек-сілесі қатып күлгенін айтты.

«Барак Обама екеуіміз қатты ұқсайды екенбіз. Бұл суреттегі тістер ғана менікі екені рас», – деп әзілдеген актер. Ал президенттің бұл суретке қатысты пікірі әзірге белгісіз. Бірақ, Обама сол 2009 жылы өзінің Джонсонмен ұқсастығын айтқан болатын.