Ресейде Rossgram әлеуметтік желісі жұмыс істей бастады

Ресейде 28 наурызда Rossgram деп аталатын жергілікті жаңа әлеуметтік желі жұмыс істей бастады. Бұл туралы жобаның ресми сайты хабарлады.

«Rossgram’да сөйлесу, блог жүргізу, бизнес жасау, жаңалықтарды жариялау және өз жобаларын құру үшін бар мүмкіндік жасалған. Тіркеме Android пен iOS базасында істейді», -деп жазылған сайттағы мәліметте.

Осыған дейін Rossgram’ды жасаушы интернет-маркетолог Александр Зубов екені хабарланған. Орыс билігі Instagram желісін бұғаттаған соң жаңа әлеуметтік желі жұмыс істейтінін жариялаған.

21 наурызда Мәскеудің Тверь аудандық соты америкалық Meta компаниясына қарсы құқық қорғау органдарының шағымын қарап, оны «экстремистік» деп таныған.

Сот шешіміне сәйкес, корпорация иелік ететін Facebook пен Instagram әлеуметтік желілері Ресейде толық бұғатталған. Өлкеде Facebook 4 наурыздан, Instagram 14 наурыздан бастап жабылған.

Источник