KAZAKBOL.COM
Ресейдің Серпухов қаласында қызметтік тексеруден соң полицияның төрт қызметкері жұмыстан шығарылды. Олар жергілікті тұрғындардың балалар алаңқайында күдікті ер кісі жүргені туралы хабарына мән бермеген, деп хабарлады Ішкі істер министрлігінің Мәскеу облысы бойынша бас басқармасы.
Тексеру қорытындысы бойынша қалалық полиция басшысының орынбасары, қоғамдық тәртіп бөлімінің басшысы, учаскелік инспектор және оның орынбасары жұмыстан шығарылды.
22 шілдеде тәжік қызы Хувайда Тиллозоданы Мәскеу түбіндегі Серпухов қаласында өз үйінің алаңқайында ойнап жүрген жерінде ұрлап әкеткен. Ертесіне қыздың денесін темір жол станциясына жақын маңда спорттық сөмкенің ішінен тауып алды.
Похожие статьи
Сот-медициналық сараптама Хувайданы зорлап, одан соң пышақтап өлтіргенін анықтады. Артынша күдіктіні — Серпухов қаласының тұрғынын ұстады.
Тергеу мәліметі бойынша, 2017 жылы полицияға жергілікті тұрғын хабарласып, Хувайданың өліміне күдікті ретінде ұсталған ер кісі қызына «заңға қайшы әрекет жасағанын» хабарлаған. Учаскелік инспектор тексеру жүргізу керек болған, бірақ ол статистиканы құртқысы келмей, қылмыстық іс қозғаудан бас тартқан.
KAZAKBOL.COM
