Роза Рымбаева өзіне қатаң сын айтқан Бибігүл Төлегеноваға жауап берді

Қайрат пен Димашты жер мен көкке теңеп, қазақ әншілерін сынаған Бибігүл Төлегенова өзі «даусы бар» деп санайтын Роза Рымбаева мен Мақпал Жүнісованы да даңғазаға толы эстрадананың жолына түсіп кетті деп сөккен болатын. Бұлбұл әншінің сынына жауап берген Роза Қуанышқызы өз саласында жүргенін мәлімдеді.

«Біз бала кезімізден эстрада музыкасын орындадық. Менің Жүргенов Академиясында бітірген факультетім «Эстрада және актер жанры». Сондықтан мен өзімнің мамандығым бойынша жұмыс істеп жатырмын, бұрылып кеттім деп айта алмаймын.

Классикалық әндерді орындаушы емеспін, эстрада жанрындағы әншімін, өзімнің даусым соған келеді», — дейді әртіс.

Ескесалсақ, бұған дейін отандық басылымдардың біріне сұхбат берген Бибігүл Төлегенқызы Мақпал Жүнісова мен Роза Рымбаеваны у-шуға толы эстрада жанрына ауысып кетті деп сынаған.

Nur.kz