Шымкент: «Үйдің кезегін жылжытып беремін» деп, 1,5 миллион теңгесін алдап алған

Абай ауданы Полиция басқармасына жергілікті жердің тұрғыны арызданған. Ол өз арызында, екі жылдан бергі танысы «мемлекет тарапынан берілетін үйдің кезегін алға жылжытып беремін» деп, алдын ала 1 500 000 (бір жарым миллион) теңгесін алып, алаяқтық жолмен алдап кеткенін көрсеткен.
Аталған дерек ҚР ҚК-тің 190-бабы 1-бөлігімен (Алаяқтық) сотқа дейінгі тергеп-тексерудің бірыңғай тізіліміне тіркелді.
Полиция қызметкерлерімен күдіктінің жеке-басын анықтауға бағытталған барлық қажетті шаралар қабылданып, жедел іздестіру жұмыстары жүргізілді. Нәтижесінде, бір тәуліктің ішінде жергілікті жердің тұрғыны анықталып, жеткізілді. Азаматшаның жасы — 34-те, жоғары білімді. Уақытша жұмыссыз. Бұрын-соңды сотты болмаған.
Қазіргі кезде ұсталған азаматша алаяқтық жолмен алған ақшасын жәбірленушіге қайтарды. Тергеу әрекеттері жүргізілуде.

Шымкент қаласы Полиция департаментінің Баспасөз қызметі