KAZAKBOL.COM
Оқиға 2022 жылдың 7-қарашасында, түнгі сағат 22:50-де орын алған.
Шымкент ҚПД Әл-Фараби АПБ-ның кезекші бөліміне жергілікті жердің 22 жастағы тұрғыны арызданған. Ол өз арызында, 1-қараша күні тұрмыстық-техникалық дүкеннің бейнебақылау жүйесін тексеру барысында, күндізгі сағат 12:17 шамасында сатылым сөресінде тұрған құны қымбат «Samsungb Galaxy Buds 2 pro» және «Samsungb Galaxy Buds 2» маркалы құлаққаптарын жас шамасы 25-30-дардағы ер азамат ұрлап, оқиға орнынан бой тасалағанын жазып көрсеткен. Келтірілген жалпы шығын көлемі 299 970 (екі жүз тоқсан тоғыз мың тоғыз жүз жетпіс) теңгені құрап отыр.
Аталған жайт ҚР ҚК-нің 188-бабы 3-бөлігі 1-тармағымен сотқа дейінгі тергеп-тексерудің бірыңғай тізіліміне тіркелді.
Похожие статьи
Тәртіп сақшылары жүргізген жедел іздестіру іс-шарасы барысында күдіктінің ізін суытпай, 12 сағаттың ішінде қала аумағынан қолға түсірді. Ол Шымкент қаласының тұрғыны болып шықты. Жасы — 34-те, жұмыссыз. Қазіргі кезде өз кінәсін толықтай мойындап отыр.
Полиция қызметкері ұсталған азаматтың басқа да осы тектес жайттарға қатысы барын анықтауда. Тергеу амалдары жүргізілуде.
Шымкент қаласы Полиция департаментінің Баспасөз қызметі
KAZAKBOL.COM