KAZAKBOL.COM
Тәжікстанның бас прокуратурасы Қырғызстанның бірқатар әскери адамдарына және азаматтарына қарсы қылмыстық іс қозғады. Көрші ел қырғызстандықтарды басқа мемлекетке қарсы қарулы күш қолданды деп айыптап, қырғыз-тәжік шекарасындағы оқиғаны «агрессия» деп атады.
2 мамырда Қырғызстанның ішкі істер министрлігі қырғыз-тәжік шекарасы маңындағы «Головной» су тарату орталығында минометтен атылған оқтан 25 қырғыз азаматының қайтыс болғанын хабарлап, тергеу басталғанын мәлімдеген. Ләйлек ауданындағы 12 жастағы қыздың өлімі, жолдағы көліктерді атқылаудан қаза болғандар бойынша жалпы 11 іс ашылды. Шекара маңындағы 11 ауыл жабырқады, бір ауыл толық өртеніп кеткен.
28-30 сәуір күндері қырғыз-тәжік шекарасындағы қарулы жанжалда қаза болған қырғызстандықтардың жалпы саны 35-ке жетіп, 183 адам жарақат алды. Арасында 5 және 13 жастағы балалар бар. Отбасын тастап, қауіпсіз аймаққа көшірілгендердің саны 58 мыңға жақындады.
Похожие статьи
Тәжікстан үкіметі зардап шеккендер және қаза болғандар саны туралы ресми мәлімет әлі жарияламады. Бірақ Азаттықтың тәжік қызметі сенімді бұлақтарына сүйеніп, 16 адамның қаза болып, 90-ы жарақат алғанын жариялады. Жанжал болған аймаққа барған журналистер Исфара ауданындағы Қожалы (Хожа Аъло) және Сомониён ауылдарында бұзылған, өртенген үйлердің суретін жариялады.
Екі өлкенің арнайы қызметінің жетекшілері 1 мамырға қараған түні оқ атуды тоқтату және шекара аймағынан әскерін шығару жөнінде келісімге келген.
KAZAKBOL.COM