KAZAKBOL.COM
Тәжікстандағы Восе ауданының тұрғыны жергілікті милиция ғимаратына кіріп, қызметкерлердің оны балағаттағанын телефонмен видеоға түсіргісі келгені үшін азаптағанын мәлімдеді.
Пушиёни Поён қышлағының тұрғыны Шарофат Салимованың айтуынша, оны милиция бөлімінде үш тәулік ұстаған, прокуратура араласқаннан кейін ғана 15 шілдеде босатқан.
Аудандық ішкі істер департаментіндегілер Салимованы бір шағым бойынша шақыртқанын растап, бірақ оның азаптау туралы мәлімдемесін жоққа шығарып отыр.
Салимованың айтуынша, биыл мамырда ол көршілердің бірімен шынымен жанжалдасып қалған, бірақ өзін жәбірленушімін деп есептейді.
Похожие статьи
Шарофаттың мәлімдеуінше, милиция қызметкерлері одан көршімен арадағы жанжалда кінәсін мойындауды талап еткен. «Милиция қызметкерлерінің мені балағаттағанын, «кінәсін» мойындатуға тырысқанын құпия түрде телефонға түсіріп алғам келген. Олар бұған дейін де осылай жасаған, соны дәлелдеу үшін видеоға түсіруге тырыстым», — дейді Шарофат.
Восе ауданының басшысы Жамшед Шарифзода әйелдің азаптауға қатысты шағымын тексеру үшін комиссия құрылғанын айтты. Салимова милиция қызметкерлерінің заңсыз әрекеттеріне қатысты жоғары тұрған инстанцияға шағым түсіргенін мәлімдеді.
KAZAKBOL.COM