Тәжікстанда бір отбасынан төрт бірдей адамды өлтіріп кетті

Тәжікстанның оңтүстігіндегі Жайхун ауданында бір отбасынан төрт адамды, оның ішінде үш баланы өлтіріп кеткен. Бұл туралы Азаттықтың тәжік қызметі аудандық милиция бөліміндегі бұлақтарына сүйеніп хабарлады.

Мәліметке қарағанда, қылмыстық оқиға 12 маусым күні Жайхун ауданындағы Таргок ауылында болған.

Жергілікті тұрғындар қайтыс болған адам саны төртеуден көп болуы мүмкін дейді.

«Олардың бәрін балтамен өлтірген. 39 жастағы үй иесі фермер болған. Қазір аймақта милиция қызметкерлері көп жүр. Ауыл қоршауға алынды, ешкімді кіргізбейді және шығармайды», — дейді тұрғындардың бірі.

Тәжікстанның ішкі істер министрлігі (ІІМ) аталған аймақта қылмыс болғанын растап, бірақ мән-жайды кейін хабарлайтынын жеткізді.

Источник