«Түнгі студиядағы» танымал блогерді кім үшін алып тастағаны белгілі болды (фото)

Жақында ғана жүргізушілер құрамында күрделі өзгеріс орын алатынын хабарлаған отандық бағдарлама ел арасында қызу талқы тудырған болатын. Жұмыстан не себепті босап қалғанын түсінбеген танымал блогердің орнына кім келгені енді белгілі болды. «Түнгі стидияның» бұрышына тағайындалған жаңа тележүргізуші Аша Матай болмай шықты деп жазады NUR.KZ.

Жаңадан келетін жүргізушінің кім екенін жасырған отандық бағдарлама өкілдері желіде шу тудырған болатын. Көпшілік өзінің жұмыс орнынан не себепті айырылып қалғанын түсіне алмаған Элвира Ерғалинаның орнына Аша Матай келеді деп болжады.

Отандық әншінің фотосын желідегі ресми парақшаға жүктеп қойған бағдарлама өкілдері онсыз да өршіп тұрған оқиғаға отқа май құйғандай болды.

Алайда, жаңа мауысымы басталған «Түнгі студияның» жаңа тележүргізушісінің кім екені енді белгілі болды. Танымал бағдарламаны «бұрышта» тұрып Диана Қырықбай жүргізетін болды.

Айта кетейік, отандық тележүргізуші бұған дейін «Хабар» арнасында қызмет еткен.

Диана Қырықбай бұл бағдарламаның жүргізушісіне арналған кастингтен өту оңай болмағанын айтты.