KAZAKBOL.COM
Алмасбек Садырбаев. Фото: newtimes.kz
Бүгін Талдықорған соты қалалық әкімдікте болған төбелеске қатысты шешім шығарды. Оған сәйкес, жүнге субсидия сұрап барып, әкімнің орынбасарымен жаға жыртысқан шаруа енді бір жылын түрмеде өткізуі тиіс.
Өзін шенеуніктің құрбаны санайтын Алмасбек Садырбаев сот үкімін әділетсіздік деп отыр. Ал «одан таяқ жедім» деген Талдықорған әкімінің орынбасары Асқар Тұтыбаев болса, керісінше, ерекше көңілді. Сот оның сөзіне сеніп, шапалақ үшін шаруаны бір жылға соттады.
Шенеунік одан қалды моральдық шығын ретінде шаруадан 10 миллион теңге көлемінде ақша сұратқан.
Алайда, шапалақ үшін бұл сома тым көп деп шешсе керек, сот тек 300 мың теңге айыппұлмен шектеді.
Похожие статьи
Ал төбелесті бастаған мен емес деген фермердің қолына тура сот залында кісен салдынды.
«Сот шешімімен мүлде келіспеймін. Әкімдік қызметкері болған соң ұтып тұр. Апелляцияға беремін, әділдік емес бұл!», — дейді сотталушы Алмасбек Садырбаев.
Кәсіпкер Алмасбек Садырбаев «Қала әкімінің орынбасары жүнге субсидия сұрағаным үшін тұмсығымды бұзды» деп әлеуметтік желіге жариялаған болатын. Алайда, артынша Асқар Тұтыбаев та таяқ жедім деп бірден сотқа арызданған.
Кабинетте болған оқиғаға таспаға түспепті. Іске тек орынбасардың сөзі мен дәліздегі көріністер ғана дәйек болған.
KAZAKBOL.COM
