KAZAKBOL.COM
Украина президенті Владимир Зеленский Ресейді Запорожье атом электр станциясында (АЭС) теракт дайындап жатыр деп айыптады. АЭС Ресей оккупациялап алған Запорожье облысындағы Энергодар қаласында орналасқан.
Зеленский «террорлық акт» дайындап жатқаны туралы оған украин барлау қызметі мәлімет бергенін 22 маусымдағы видеоүндеуінде айтты.
«Радиацияның мемлекеттік шекарасы жоқ екенін тағы айтамын. Оның қай бағытқа тарайтынын жел бағыты анықтайды. Біздегі мәліметті барлық одақтасымызбен бөлісеміз», — деді украин президенті.
Кремльдің ресми өкілі мұны кезекті «өтірік» деп атады. Ресей президентінің баспасөз хатшысы Дмитрий Песков жақында ғана МАГАТЭ өкілдері сол жерге барғанын, олар АЭС ісін жоғары бағалағанын атап өтті.
Похожие статьи
МАГАТЭ бас директоры Рафаэль Гросси Украинадағы АЭС-ке 15 маусымда барған.
Оның сапары электр станцияға Кахов ГЭС-нің жарылуы қалай әсер еткенін бағалау мақсатын көздеген.
Жарылыстан кейінгі жағдай станция үшін қауіпті екені айтылған.
6 маусымға қараған түні Кахов ГЭС-нің дамбасы жарылып, Херсон облысының бірқатар елді мекендерін су басты. 30-ға жуық адам қайтыс болып, мыңдаған тұрғын қауіпсіз аймаққа көшірілген. Бұл үшін Киев пен Мәскеу бірін-бірі айыптап отыр.
KAZAKBOL.COM