Новости Казахстана, Новости России и мира,Обновляемая лента новостей

Қырғызстанның денсаулық сақтау министрлігі ковид жұқтырған науқастарды дәлелденбеген дәрілермен емдеуге тыйым салды

KAZAKBOL.COM

Қырғызстанның денсаулық сақтау министрлігі коронавирус жұқтырған науқастарды емдеудің бесінші клиникалық хаттамасын жариялады.

Хаттамада коронавирус жұқтырған науқастарды уқорғасынмен емдеу туралы ештеңе айтылмаған. Бұның алдында денсаулық сақтау министрі Алымкадыр Бейшеналиев науқастарды уқорғасын тамырымен емдеуді ұсынған.

Бұған қоса, хаттамада «ДӘЛЕЛДЕНБЕГЕН ПРЕПАРАТТАРМЕН ЕМДЕУГЕ БОЛМАЙДЫ» деп жазылған. Мұндай дәрілер қатарына умифеновир (арбидол), имидазолилпантонамид (ингавирин), эргоферон, интерферон альфа (интерферон, виферон), энисомия йодид (амизон, амизончик, нобезит), полиоксидоний, инозин және басқа да препараттар жатады.

Сонымен бірге дәрігерлерге коронавирустың жеңіл түрімен ауыратын нақастарға дексаметазон, преднизолон, гидрокортизон, химсмеси, теофиллин, эуфиллин, кальций хлорид, осельтамивир, занамавир, антибиотиктер комбинациясын тағайындауға тыйым салынған.

Бұның алдында Бейшеналиев баспасөз конференциясында уқорғасын тамырынан дайындалған тұнба коронавирусты емдеудің бесінші хаттамасына енуі мүмкін екенін мәлімдеген.

15 сәуірде Қырғызстан президенті Садыр Жапаров Facebook-тегі парақшасында «коронавирус жұқтырған науқастарды бір-екі күнде емдеп шығаратын дәрі табылды» деп жазған. Бұған қоса ол бірнеше адамның сұйықтық дайындап жатқаны көрсетілген видео жарилаған. Құтыларда «ыстықкөл уқорғасынының тамыры» деп жазылған.

Ертесіне денсаулық сақтау министрі Алымкадыр Бейшеналиев баспасөз конференциясын өткізіп, мемлекет басшысы улы өсімдіктен дайындалатын тұнбаның емдік дозасын білетін жалғыз адам деп мәлімдеген.

Сарапшылар мен дәрігерлер шенеунікке ыстықкөл уқорғасыны (аконит) өте улы өсімдік екенін ескерткен. Дүниежүзілік денсаулық сақтау ұйымы клиникалық зерттеуден өтпеген препаратты қолдануға болмайтынын мәлімдеді.

19 сәуірде Facebook компаниясы Жапаровтың уқорғасын туралы жазбасын өшіріп тастады.

Оның үстіне, парламенттің салалас комитеті денсаулық сақтау министрі Алымкадыр Бейшеналиевті қызметтен алуды ұсынды. Қырғызстанның бас прокуратурасы белсенділердің министрге қарсы мәлімдемелерін қарай бастады.

centralasian.org

KAZAKBOL.COM
Вам также могут понравиться

Оставьте ответ

Ваш электронный адрес не будет опубликован.

Уважаемые посетители KAZAKBOL.COM ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.

KAZAKBOL.COM