KAZAKBOL.COM
Қызылорда облысында кене шағып, қырым қанды безгегін жұқтырған екі адам ауруханада қайтыс болды. Бұл туралы «Хабар 24» хабарлады.
Жаңақорған ауданының 77 жастағы тұрғыны мен Шиелі ауданының 51 жастағы тұрғыны ауруханаға кеш түскен. Науқастар жансақтау бөлімінде қайтыс болған.
«Ауру тарағаны анықталған жағдайда 12 сағат ішінде аймақты, мал қораны, малдарды дезинфекциялайды. 14 күн бойы науқаспен қарым-қатынас жасаған адамдар дәрігерлер бақылауында болады. Мамыр, маусым және шілде айларында кенелер адамға қауіпті. Сол себепті біз аудан тұрғындарынан кене шаққан уақытта тез арада дәрігерге қаралуын сұраймыз» дейді Қызылорда облыстық санэпидембақылау департаменті жетекшісінің орынбасары Әлия Әбдіқайымова.
Похожие статьи
Оның айтуынша, 2023 жылы аймақта кене шаққан 600-ден астам адам ауруханаға барған. 23 адам қырым қанды безгегін жұқтырды деген күдікпен ауруханаға жатқызылған. Сегіз мәрте диагноз расталған.
Қырым қанды безгегі — қатерлі жұқпалы ауру, адамға кене шаққан уақытта жұғады. Мұндай ауруға шалдыққан адамдардың терісі мен ішкі органдары қанталайды, денесі уланады. Науқастарды аурухананың жұқпалы аурулар бөліміне оқшаулайды.
Қазақстанда қырым қанды безгегі негізінен оңтүстік аймақтарда, соның ішінде Қызылорда облысында жиі тарайды.
KAZAKBOL.COM
