Новости Казахстана, Новости России и мира,Обновляемая лента новостей

Ақша мен билік: Ташкент мэрі мен президент әкімшілігінің басшысы құда болады


Ташкент қаласының әкімі, ірі монополистік корпорациялардың қожайыны Жахонгир Артықхожаев Өзбекстан президенті әкімшілігінің басшысы Зайнилобиддин Низомиддиновпен құда болады.

Бұл туралы Азаттықтың өзбек қызметі президент әкімшілігіне жақын бұлақтарға сілтеме жасап хабарлады.

«Артықхожаевтың қызы Камила Низомиддиновтің ұлы Шахобиддинге тұрмысқа шыққалы жатыр. Жақында сырға салу жоралғысын жасады», — деген бұлақ.

Ақша мен билік: Ташкент мэрі мен президент әкімшілігінің басшысы құда болады

Жахонгир Артықхожаевтың кіші қызы бірнеше жыл бұрын Instagram парақшасына дәулетті өмірін көрсету арқылы танымал болған. Оның әкесі 3,2 миллион сумга (300 доллар) «жақсы өмір сүруге болады» деп айтқаннан кейін қызының жеке ұшақпен ұшуы және қымбат көліктермен жүруі көпшіліктің ашуын туғызған.

Бұл оқиғадан кейін Камила Артықхожаева әлеуметтік желіден видеолар мен суреттерін өшіріп, белсенділігін азайтқан. Бірақ оның бұрын жариялаған видеоларын Instagram’дағы «Ташкенттің бай балалары» (miss__uzb, richkidst Tashkent) атты парақшадан көруге болады.

Интернетте президент әкімшілігі басшысының ұлы Шахобиддин туралы мәлімет аз. Instagram профиліндегі суреттеріне қарағанда, қымбат брендті киімдерді жақсы көреді.

Ташкенттік кәсіпкерлердің бірі екі кланның бірігуі коррупцияны және Өзбекстан экономикасын орталықтандыруды жаңа деңгейге көтереді деп есептейді.

«Артықхожаев Ташкентті өзінің жеке ауласына айналдырып алды десек болады. Низомиддинов болса Сурхандарияның қожайыны. Сол өлкенің кадр саясаты толық соның қолында. Жақында оның сурхандариялық адамдары негізгі мекеме басшыларына орынбасар болып тағайындалды… Екеуі құдаласқаннан кейін олардың масштабы үлкейетінін көресіңдер. Бұл өте қауіпті», — деді ол.

Akfa/Artel Corporation холдингке иелік еткен Жахонгир Артықхожаев Шавкат Мирзияевтің премьер-министр кезіндегі қолдауымен бизнес-империясын көтерген кәсіпкер ретінде танымал.

Мирзияев оны Ташкент әкімі қызметіне тағайындағаннан кейін Өзбекстандағы ірі мемлекеттік жобалардың көбі жасырын бұйрықтар және ашық жарияланбаған тендерлер арқылы Артықхожаевтың жеке компанияларына беріле бастаған.

Источник

KAZAKBOL.COM
Вам также могут понравиться

Оставьте ответ

Ваш электронный адрес не будет опубликован.

Уважаемые посетители KAZAKBOL.COM ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.

KAZAKBOL.COM