KAZAKBOL.COM
Вашингтондағы сот президент Дональд Трамп сайлауалды штабының бұрынғы басшысы Пол Манафортты үш жарым жылға соттады. Өткен аптада Вирджиния соты оны төрт жылға түрмеге кескен еді.
Вашингтондағы сот Манафортты АҚШ-қа қарсы сөз байласты және Украинаның бұрынғы президенті Виктор Януковичтің мүддесін қорғау арқылы заң бұзды деп таныды. Бұған қоса оған арнайы прокурор Мюллерге жалған куәлік етті, Ресейдің АҚШ-тағы сайлауға килігуіне қатысты істегі куәгерлерді қорқытты деген айыптар тағылды. Сот процесі кезінде Манафорт соттан жасаған әрекеттері үшін кешірім сұрап, рақымшылық жасауын өтінген.
Похожие статьи
Өткен аптада Вирджиния соты Манафортты оның Украинада саяси кеңесші болып істеген кезінде жасаған қаржы және салық қылмыстары үшін шамамен төрт жылға соттаған еді.
Оның заңсыз кірістері арнайы прокурор Роберт Мюллер тергеуі кезінде ашылған. Манафорт кінәсін мойындады. АҚШ-та президент Дональд Трамп бұрынғы кеңесшісіне рақымшылық беруі мүмкін екендігін жоққа шығармайды. Ақ үйдің мәлімдеуінше, президент «дайын болған уақытта, бұл мәселеге қатысты шешім қабылдайды».
KAZAKBOL.COM