Қырғыз парламентінің депутаты Икрамов «гомосексуализм» сөзін неге айта алмағанын түсіндірді (видео)

Қырғызстан парламентінің депутаты Тазабек Икрамов «гомосексуализм» сөзін неге айта алмағанын түсіндірді.

«Кейбір журналист менің кешегі гомосексуализм туралы айтқандарымды түрлендіріп берген. Иә, мен қателесіп кеттім. Палатадағы қызу пікір-талас кезінде өзімді ұстай алмай, бұл сөзді дұрыс айта алмай қалдым. Ел астанасында халқымыздың дәстүріне қайшы келетін шаралар өтіп жатса, оны палатадағы бірқатар әріптес қолдаса, қалай ашуың келмейді? Оның үстіне, мұндай сөзді жігіттер айтпайды», — деп түсіндірді депутат.

8 наурызда Бішкекте әйелдер құқықтарын қолдауға арналған дәстүрлі шеру өтті. Акция қатысушылардың бірқатары ЛГБТ-қауымдастығын қолдайтын транспаранттар мен плакаттар алып шықты. Бұған қала тұрғындарының көбі наразы болды.

13 наурызда парламент шерудің мақсаты мен оны ұйымдастырушылар туралы ҰҚМК мен ІІМ ақпаратын тыңдады. Сауал қойған депутат Тазабек Икрамов «гомосексуализм» сөзін бірнеше рет айта алмай қалып, әлеуметтік желі қолданушыларының сынына ұшырады.

centralasian.org