«Араққа сылқия тойып алған К. есімді тұрғын түс кезде көршісінің үйіне барған. Үйді торуылдап жүріп, терезеден ойнап отырған 2 жастағы Серікті көрген. Ол көршісінің баласының жалғыз ойнап отырғанын көріп, ойы басқа жаққа кетеді. Сотталушы алдымен үйдің ішін аралап, үйде ешкімнің жоқтығына көз жеткізген. Ол үйге еркін кіріп, есікті іштен бекітіп баланы зорлайды», — дейді Ақтөбе облысының қылмыстық істер жөніндегі мамандандырылған ауданаралық сотының бас маманы Анар Қоханова.

Шырылдап жылаған сәбидің дауысы далаға дейін жеткен. Баласының дауысын ести сала анасы үйге жүгіре жеткенімен есікті аша алмайды. Жан ұшырып, баласы жылап отырған бөлменің терезесіне келеді. Анасы сол сәтте іште болып жатқан адам шошырлық жағдайдың куәсі болған.

«Анасы алғашында абдырып қалған. Дереу жолдасына хабар береді. Бар күшімен терезені қағып «есікті аш» деп айқайға басқан. Сол кезде көршісі қолына ұстап тұрған баланы еңкейіп жерге қойып, түсіп тұрған трикосын қолымен қөтеріп, есікті ашқан. Серіктің анасы болған оқиғаны ішкі істер қызметкерлеріне хабарлап, К. есімді азамат тұтқындалды»,- дейді бас маман.