KAZAKBOL.COM
Атырау облысында әскери байланысшылардың кешендік жаттығулары кезінде шартты түрдегі қарулы қақтығыс жағдайында байланыс жүйелері құрылды.
Әскери байланысшылар он күн ішінде нақты жауынгерлік даярлық дәрежесі мен белгіленген уақыт ішіндегі тапсырманы орындау мүмкіндігі бойынша тексерілді.
Кешендік жаттығулар кезінде әскери байланысшылар дабыл бойынша көтеріліп, жауынгерлік қолданылыс аумағына марш жасап, байланыс тораптарын құрды. Негізгі тапсырма белгілі, ол жеке құрамның біліктілік деңгейі мен тапсырманы орындау кезіндегі шынайы мерзімдерді анықтау. Осы арқылы, байланысшылар алда күтіп тұрған «Батыс-2018» оқу-жаттығулары атты үлкен сынақ алдында дайындықтарын бір пысықтап алды.
Бұл жаттығуларға алғаш рет Беларусь Республикасының Әскери Академиясы мен Радиоэлектроника және Байланыс Әскери институтының биылғы түлектері қатысқан болатын. Осы жолы олар үлкен сынақтан сүрінбей өтіп шықты. Жаттығу нәтижесі бойынша капитан Евгений Толмачев пен аға лейтенант Наурыз Тлеугалиев бастаған жеке құрам жақсы нәтиже көрсете білді.
Практикалық жаттығулар арқасында байланысшылар жеке құрамы заманауи байланыс құралдарының қолданылуымен далалық және стационарлық байланыс тораптарының координациясы бойынша айтарлықтай білімдері мен машықтылығын арттыра алды.
Похожие статьи
Байланыс – әскерлерді басқару жүйесінің ажырамас бөлігі болып саналады. Олар Қарулы Күштерді тұрақты және тоқтаусыз байланыспен қамтамасыз етеді, және де олардың жеделдігі мен шапшандылығы ұрыс мүмкіндіктерінің сапалы қолданылуымен қатар, әскери іс-қимылдың нәтижесін де айқындай алады.
«Батыс» өңірлік қолбасшылығы
Басқармасының баспасөз қызметі
капитан Рустем Игисинов
Байланыс: +7-777-641-11-72 (Whatsapp)
KAZAKBOL.COM
