KAZAKBOL.COM

«Арми-2019» халықаралық армия ойындарының «Далалық асхана» конкурсына дайындық іс-шараларына сәйкес «Батыс» өңірлік қолбасшылығының үздік аспазшылары мен наубайшылары анықталды.

«Далалық асхана» конкурсының басты мақсаты халықаралық әскери ынтымақтастықты және әскери-техникалық серіктестікті нығайту, әскери қызметтің мәртебесін өсіру, жауынгерлік даярлықтағы бәсекелестікті арттыру және әскери-арнайы техникалардың мүмкіндіктерін көрсету болып табылады.
Конкурс ережесі үш кезеңге бөлінген, біріншісі – «Атыс даярлығынан жарыс», екіншісі – «Азық-түлік өнімдерінен мәзірге сәйкес тағам мен нан дайындау», ал үшіншісі – «Өз қалауы бойынша берілген азық-түлік өнімдерінен тағам мен нан дайындау». Бірінші кезең барысында әскери аспазшылардың мергендігі сыналса, келесі кезеңдерде олардың бірінші, екінші және үшінші тамақтардың, салқын тіскебасардың, нәрсудың рецептіге орай дайындалуы,оның сапасы бағаланды. Аспазшылардың мәзірінде винегрет салаты, жазғы салат, борщ, солянка, күріш ботқасы бар қуырылған горбушка, картофел қосылған лангет, мүкжидек морсы, құрғақ жемісті компот болды. Сонымен қоса, әскерилер нан мен нан-бөлішке өнімдерін бекітілген рецептіге сай дайындады.
Тамақ және нан өнімдерін әзірлеу үшін әскери аспазшылар мен наубайшылар далалық жағдайда ПП-40 тасымалдайтын плитасын, КП-30 тасымалданатын асханасын, КП-130 прицепті асханасын және прицепті нан әзірлеу блоктарын қолданады.
«Батыс» өңірлік қолбасшылығы командасының құрамына Ақтөбелік 30238 әскери бөлімі мен Ақтаудағы 75488 әскери бөлімінен 2 аспазшы пен 2 наубайшы кірді. Бүгінгі күні команда мүшелері Қарулы Күштердің іріктеу жарысына қызу дайындалуда.
«Далалық асхана» халықаралық армиялық ойындардың азық-түлік қызметі мамандарына арасында өткізілетін ерекше қызықты конкурс болып табылады. Аталмыш сайыс Ресей Федерациясының Мәскеу облысы «Алабино» полигонында өтеді, ал сайыстың ұраны «Жақсы ауқаттансан – ұрыста жетістікке жетесін» сөзі болып табылады.

Уважаемые посетители KAZAKBOL.COM ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.

 

ОСТАВЬТЕ ОТВЕТ

Пожалуйста, здесь напишите ваш комментарий!
Пожалуйста, здесь введите ваше имя