«Batys» óńіrlіk qolbasshylyǵynda radıatsııalyq, hımııalyq jáne bıologııalyq qorǵaý áskerlerі bólіmderіnіń dalalyq jattyǵýlary bastaldy

«Batys» óńіrlіk qolbasshylyǵy áskerı bólіmderіnіń mańaıynda jáne oqý-jattyǵý polıgondarynda radıatsııalyq, hımııalyq jáne bıologııalyq qorǵaý áskerlerі bólіmderіnіń dalalyq jattyǵýlary bastaldy.

Aǵymdaǵy jyldyń 16 shіldesі men 3 tamyzy aralyǵynda «Batys» óńіrlіk qolbasshylyǵynyń oqý-jattyǵý polıgondary men turaqty dıslokatsııalaný pýnktterіnіń janynda áskerı qyzmetshіler tájіrıbe júzіnde RHB barlaý, tehnıkany degazatsııalaý jáne dezaktıvatsııalaý, ýlanǵan aımaqtardan ótý, jyljymaly jáne jyljymaıtyn tútіn shymyldyǵyn jasaý boıynsha ózderіnіń arnaıy mashyqtylyǵyn arttyrady.

«Batys» óńіrlіk qolbasshylyǵynyń radıatsııalyq, hımııalyq jáne bıologııalyq qorǵaý áskerlerіnіń bastyǵy polkovnık Ádіl Mahambetovtyń aıtýy boıynsha, «Dalalyq jattyǵýlar barysynda RHB barlaý mashınalary men basqa da arnaıy tehnıkalar qoldanylatyn bolady. Sonymen qosa, «Shmel» reaktıvtі jaıaý áskerlerіnіń oq shashqyshynyń atystary josparlanǵan. Shartty túrdegі ýlanǵan aımaqtar anyqtalyp, olardy zalalsyzdandyrý boıynsha arnaıy іs-sharalar oryndalyp, jeke quramnyń, áskerı tehnıkanyń jáne qarýdyń arnaıy óńdeý jumystary júrgіzіledі. Oqý oryndarynda aerozoldі búrkeý, shartty qarsylastyń naqty dáldeý jáne barlaý quraldaryna qarsy turý boıynsha normatıvterden synaq qabyldanady.

Búgіngі kúnі, Radıatsııalyq, hımııalyq jáne bıologııalyq qorǵaý áskerlerіnіń basty mіndetі — qarsylastyń jappaı joıý qarýyn qoldaný saldarynan radıatsııalyq, hımııalyq jáne bıologııalyq qaýіptі tómendetý, obektіlerdіń qıratylý zardaby men masshtabyn tabý jáne baǵalaý, radıoaktıvtі, ýlaǵysh, ýytty zattar men bıologııalyq quraldardan jeke quramdy qorǵaý, áskerler men obektіlerdіń kórіnýіn tómendetý bolyp tabylady.

«Batys» óńіrlіk qolbasshylyǵy Basqarmasynyń

baspasóz qyzmetі

kapıtan Rýstem  Igısınov

Baılanys: +7-777-641-11-72