KAZAKBOL.COM
Өзбекстан және Түркіменстан президенттері Шавкат Мирзияев пен Гурбангұлы Бердымұхамедов телефонмен келіссөздер өткізді, деп хабарлады өзбекстандық президенттің баспасөз қызметі.
«Түркіменстан президентінің Орталық Азия аймағындағы тұрақтылық пен қауіпсіздікті қамтамасыз етудегі халықаралық бастамаларына жоғары баға берілді», — делінген баспасөз қызметінің хабарламасында.
Гурбангұлы Бердымұхамедовтің биыл сәуір айында Өзбекстанға жасаған мемлекеттік сапары жемісті болғаны атап өтілді.
Похожие статьи
Келіссөздер барысында сауда, өндірістік кооперациялар, энергетика, көлік және транзит коммуникациясын дамыту, сонымен бірге мәдениет саласында әріптестікті арттыру мүмкіндіктері талқыланды. Президенттер аймақтағы және халықаралық өзекті мәселелер бойынша пікір алмасты.
Түркіменстан президенті өзбек әріптесін биыл тамыз айында Ашхабадта өтетін Аралды құтқару халықаралық қоры құрылтайшы мемлекеттер басшыларының саммитіне қатысуға шақырды.
KAZAKBOL.COM
