KAZAKBOL.COM

Дональд Трамп. Фото: CNN

АҚШ-тың сайланған президенті Дональд Трамп Нью-Йорктегі өзінің алғашқы баспасөз маслихатында Владимир Путинмен қарым-қатынасты реттеу қиынға соғатынын айтты деп хабарлайды «Астана» арнасы.

«Себебі біздің Ресеймен қарым-қатынасымыз нашар», — дейді Трамп.

Сондай-ақ ол Мәскеумен «Ислам мемлекетіне» қарсы күресте тіл табысатынын айтқан.

«Америкалық сайлау кампаниясына қатысты хакерлік шабуылдарға тек Ресей емес, басқа елдердің де қатысы бар. Американы мен басқарып отырғанда, Ресейдің біздің елге деген құрметі арта түседі», — деді ол.

Сондай-ақ Трамп сұрақ қоймақ болған журналистерді де сынға алды. Ол америкалық CNN телеарнасының журналисін «жалған ақпарат таратушы» деп атады. Ол өзін әшкерелейтін материалдарға қатысты «барлық агенттіктер жариялаған ақпараттар шындыққа жанаспайды» деп мәлімдеді.

Айта кетейік BuzzFeed ақпарат порталы Трампқа қарсы компроматқа толы 35 беттік құжатты жариялаған еді. Онда Ресей режимі Трампқа бес жыл бойы қолдау көрсеткені, өзінің қарсыластары — демократтарға қарсы Ресей тыңшыларымен бірігіп жұмыс жасағысы келетіні және Трамптың Мәскеуде сексуалдық тұрғыдағы бейнежазбаларына қатысты материалдар бар делінген.

«Біздің Ресеймен тіл табысып кетуіміз де мүмкін. Бірақ нақты емес. Бұлай болмай қалуы да мүмкін. Мәскеу мен Вашингтон ДАИШ содырларына қарсы күресте бірігіп жұмыс істеуіне болады», — дейді АҚШ президенті Дональд Трамп.

Уважаемые посетители KAZAKBOL.COM ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.

 

ОСТАВЬТЕ ОТВЕТ

Пожалуйста, здесь напишите ваш комментарий!
Пожалуйста, здесь введите ваше имя