KAZAKBOL.COM
Human Rights Watch (HRW) құқық қорғау ұйымы Еуропа Одағынан (ЕО) Қырғызстан билігін құқық қорғаушы Азимжан Асқаровты босатуға шақыруын сұрады.
Ұйым бұл туралы хатын 10 желтоқсанда өтетін «Еуропа Одағы — Қырғызстан» деп аталатын конференция қарсаңында жариялады. Хатта қырғызстандық құқық қорғаушының 2010 жылдан бері заңсыз түрмеде отырғаны айтылады. Хатта сонымен қатар БҰҰ Адам құқығы жөніндегі комитеті 2016 жылы Асқаровты босатуды талап еткеніне қарамастан, оның осы күнге дейін қамауда екені көрсетілген.
Ұлты өзбек Азимжан Асқаров қамалғанға дейін Базар-Коргон ауданында тұрып, құқық қорғау қызметімен айналысқан. Ол 2010 жылы маусымда Қырғызстанның оңтүстігіндегі Ош облысында қырғыздар мен этникалық өзбектер арасында болған қақтығысты ұйымдастырды деген айыппен өмір бойына түрме жазасына кесілген.
Похожие статьи
2016 жылы сәуірде БҰҰ Адам құқықтары жөніндегі комитеті Қырғызстан билігінен Азимжан Асқаровты ақтап, түрмеден босатуды талап еткен. Осыдан кейін Асқаров пен оның адвокаттары Жоғарғы сотқа шағым түсіріп, істі қайта қарауды сұраған еді.
2016 жылы 12 шілдеде Жоғарғы соты Асқаровтың ісін Шу облыстық сотына қайта қарауға жіберген. Бірақ 2017 жылы 24 қаңтарда Шу облыстық соты Азимжан Асқаровты өмір бойы бас бостандығынан айыру туралы Базар-Коргон аудандық сотының үкімін өзгеріссіз қалдырған.
2010 жылғы этникалық қақтығыстан 450-ден астам адам қаза тауып, мыңдаған адам үй-жайын тастап кетуге мәжбүр болған.
KAZAKBOL.COM