KAZAKBOL.COM
Қырғызстанның ұлттық спорт түрлері жөніндегі дирекциясы III Дүниежүзілік көшпенділер ойындарының жалпы жүлде қорын 26,6 миллион сом (390 мың доллардан асады) деп бекітті.
Көшпенділер ойындарының бағдарламасына 37 спорт түрі: бәйге, көкпар, ұлттық күрес жекпе-жектері, дәстүрлі зияткерлік ойындар, садақ ату, «Салбуурун» ұлттық аңшылық және басқа да жарыстар енген.
Көкпардың жүлде қоры — 6 млн сом (шамамен 88 мың доллар), жеңімпаз 3 млн сомға ие болады. Бұған қоса «Ұлы көкпаршы» және «Ұлы көкпар аты» атақтарына 100 мың сомнан тігілген.
Похожие статьи
Күрес жекпе-жектерінің жеңімпаздары 70 мың сом алады. «Ұлы көшпенділер күресі» жарыстарының чемпионына 1 млн сом беріледі.
Қазіргі таңда Көшпенділер ойындарына 44 елдің спортшылары қатысуға ниет білдірді. 594 медаль — 174 алтын, 173 күміс және 247 қола сарапқа салынады.
III Дүниежүзілік көшпенділер ойындары биыл 2-8 қыркүйек аралығында Ыстықкөл жағалауында өтеді. Бірінші және екінші Ойындар 2014 және 2016 жылдары өтті.
KAZAKBOL.COM