Мәскеуде жұмыс істейтін еңбек мигранттары жаңа жылдан бастап патент үшін айына 5 мың рубль төлейді. Мәскеу қалалық думасы салық заңына тиісті өзгерістер енгізді.
Ресей астанасында жұмыс істеуге құқық беретін патент құнының өсуіне мигранттардың табысының өсуі себеп болды дейді Мәскеу думасының депутаты Инна Светенко. Оның сөзінше, соңы жылы шетелдік мигранттардың табысы 29 пайызға өскен.
«Біз еңбек патентінің құнын 13 пайызға ғана өсіріп отырмыз. Сондағысы үстіне 500 рубль қостық. Қазір патент бағасы айына 4500 рубль», — дейді ол.
Депутат Инна Светенконың айтуынша, патентті алушылар саны көбеймесе, азаймай отыр. Мәселен, биыл бюджетке патент есебінен 2 млрд рубль пайда түскен.
Бірер күн бұрын Мәскеу мэрі Сергей Собянин «Россия 1» каналына берген сұқбатында Орталық Азия елдерінен келетін мигранттар арасында қылмыс деңгейі азайғанынын атап өткен.
«Мұндай оң өзгерістердің бәрі оңай келген жоқ, үкімет қолданған арнайы шара нәтижесін берді», — деген еді Мәскеу мэрі.
Оның айтуынша, Ресейде жұмыс істеу үшін арнайы патент енгізу үлкен нәтиже берген. Бүгінде мұндай патентті Ресейге келу үшін виза қажет етпейтін елдердің азаматтары ала алады.
KAZAKBOL.COM