Мәскеу мэрі: «Мигранттар қылмысты азайтып, тіркеуге тұра бастады» (видео)

«Россия 1» мемлекеттік телеарнасына сұхбат берген Мәскеу мәрі Сергей Собяниннің мәлімдеуінше, мигранттар арасында қылмыс деңгейі екі есеге төмендеген, ал мигранттар, әсіресе Орталық Азия елдерінің азаматтары заңға бағына бастаған.

Собянин бұны Ресей үкіметі атқарған жұмыстарының нәтижесі деп есептейді.

Біріншіден, Ресейде жұмыс істеуге рұқсат беретін патенттің енгізілуі нәтиже берді. Қазір оны Ресейге виза талап етілмейтін шетел азаматтары: Әзірбайжан, Молдова, Тәжікстан, Өзбекстан және Украина азаматтары сатып ала алады.

Екіншіден, міндетті түрде дактилоскопия тапсыру: қазір патент сатып алатын немесе жұмысқа тұруға рұқсат алатын еңбек мигранттарының барлығы содан өтеді.

Бірақ оң өзгерістерге қарамастан, еңбек мигранттарының барлық мәселесі әлі де шешімін таппады деп есептейді сарапшылар.

centralasian.org