Шымкентте Өзбекстанның екі азаматы газдан уланып қайтыс болды

Шымкентте жұмыс істеп жүрген Өзбекстанның үш азаматы газдан уланып, олардың екеуі қайтыс болды. Бұл туралы «ҚазТрансГазАймақ» компаниясының баспасөз хатшысы Саида Турсуметова хабарлады.

Саида Турсуметованың айтуынша, Өзбекстан азаматтары Шымкентте жұмыс істеп жүрген. Қайғылы оқиға 13 қараша күні кешке олар жалдап тұрып жатқан үш бөлмелі жеке үйде болған. Үйді жылыту үшін электр пешімен бірге газ пеші де пайдаланылған. Мамандар бұл үйде желдеткіш каналдың жоғын, тұрғындардың газ жанғаннан шыққан ыстан уланғанын анықтаған.

«Мұның салдарынан Өзбекстанның 42 және 35 жастағы екі азаматы газдан уланып қайтыс болды. 35 жастағы үшінші азамат ауыр халде ауруханаға жеткізілді» дейді баспасөз хатшысы.

Шымкенттегі Орынбаев атындағы жоғары қысымды оттегімен емдеу орталығының бас дәрігері Мадина Ермаханбетованың айтуынша, газдан уланып орталықққа түскен Өзбекстан азаматының жағдайы өте ауыр. «Науқас жан сақтау бөлімінде жатыр. Қазір оның денсаулығы жайында еш болжам жасай алмаймыз. Жағдайы өте ауыр» деді ол.

centralasian.org