Сингапур Ташкентке 2,5 млрд долларға «ақылды қала» тұрғызып бермек

Сингапур компаниясы Ташкент облысында 2,5 млрд долларға «ақылды қала» салмақ.

Жергілікті басылымның мәліметінше, 19-21 қарашада Ташкентте өткен халықаралық инвестициялық форум кезінде Өзбекстан билігі мен Сингапурдың Universal Success Enterprises компаниясы арасында тиісті келісімге қол қойылған.

«Ақылды қала» 2021 жылы салынып бітеді деп жоспарланып отыр.

Universal Success Enterprises компаниясының «ақылды қала» тұрғызуда тәжірибесі зор. Атап айтқанда, аталған сингапурлық компания Үндістанда 152 гектар жерге Kolkata West International City және 400 гектар жерге Dholera Special Investment Region қалашықтарын тұрғызған.

centralasian.org