Түркменабад қаласының полициясы Өзбекстанның экс-президентіне қойылған ескерткіш алдында суретке түсуге рұқсат бермейді екен. Мұны тұрғындардың өздері айтады.
«Бұрынғы өзбек президентінің ескерткіші алдында суретке түскелі жатсам, екі полиция қызметкері келіп, менің бұл жерден кетуімді талап етті. Өзім ешнәрсе түсінбей қалдым», — дейді жергілікті тұрғындардың бірі.
Былтыр наурыз айында Ислам Каримов көшесінің бойында Өзбекстанның тұңғыш президентіне арналған ескерткіштің ашылуына екі ел басшылары қатысқан болатын.
Каримовтің ескерткіші алдында не үшін суретке түсуге болмайтыны белгісіз. Жергілікті билік өкілдерінің пікірлерін білу мүмкін емес. Ал полиция қызметкерлері тек осындай бұйрық алғанын айтады. Қалада Каримов мүсіні күні-түні күзетіледі екен.
KAZAKBOL.COM