KAZAKBOL.COM
Тәжікстанда милицияның екі қызметкері мен офицері кісі азаптағаны үшін ұзақ жылдарға түрмеге қамалды, деп хабарлады Бас прокуратура өкілі Шариф Курбонзода. Оның айтуынша, соңғы бірнеше айда азаматтардан милиция қызметкерлерінің азаптауларына қатысты шағымдар көп түскен.
Жыл басынан бері алты айда Бас прокуратураға азаптауға қатысты 37 шағым түскен. Өткен жылы дәл осы уақыт аралығында бар болғаны тоғыз арыз тіркелген, деді Шариф Курбонзода.
Дегенмен көптеген тұрғындар құзырлы органдарға хабарласпайды, өйткені олар кінәлілерді жазалайтынына күмәнмен қарайды.
Похожие статьи
Өткен жылы Тәжікстанда азаптауға қарсы азаматтық қоғам коалициясы елдегі азаптау жиі қолданылатын орындардың картасын дайындады. Адам құқығын қорғаушылар азаматтарды ұстау және тергеу кезінде азаптау жиі қолданылатынын айтып отыр. Коалиця мәліметіне қарағанда, шағымданған тұрғындардың 60 пайызы милиция қызметкерлері тарапынан опық жегенін мәлімдеген.
Азаптауға ұшырағандар мәліметтеріне қарағанда, құқыққорғау органдары қызметкерлері азаматтарды резіңке тоқпақпен сабайды, саусақтарға және ер азаматтың жыныс мүшесіне электр тогын жібереді, тырнақтың астына ине немесе шеге тығады, балағаттау арқылы психологиялық тұрғыда азаптайды, зорлайды немесе зорлайтынын айтып қорқытады, күн суық уақытта мұздай суға түсіреді, басына противогаз кигізеді, денесін темекімен күйдіреді.
KAZAKBOL.COM