KAZAKBOL.COM
Тәжікстан билігі 20 тамыздан бастап SIM-карталардың бағасын 250 сомониге (26 $) дейін көтермек. Бұл қазіргі бағадан 50 есеге қымбат.
Тәжікстандағы үш ірі мобильді байланыс операторлары бұл ақпаратты растады. Елдің ІІМ болса, бұл шешімді 29 шілдеде Данғарда шетелдік туристерге жасалған шабуылдан кейін, қауіпсіздік шараларын күшейту деп түсіндіреді.
Бұл мәселе байланыс қызметі мен құқық қорғау органдары және мобильді операторлар өкілдері арасында талқыланған. Кеңеске қатысушылардың бірі бастапқыда SIM-карталарды 1000 сомониге (104 $) дейін көтеру қарастырылды дейді.
«Кейбір қолданушылар нөмірлерін ауыстырғанды жақсы көреді, ал SIM-карталардың құнының жоғары болуы мұның алдын алады. Одан бөлек SIM-карталар кездейсоқ адамдарға сатыла бермейтін болады», – деп Asia-Plus ақпарат агенттігі дереккөздің сөздеріне сілтеме береді.
Мобильді операторлардың өкілінің бірі Озоди радиосына (Азаттықтың тәжік қызметі) кейбір қолданушылар ресейлік немесе қырғыздың SIM-карталарын сатып алып, роуминг қосып алады, бұл әлдеқайда арзанға түседі дейді. Қырғызстанмен шекаралас аймақтар бұл тәсілді бұрыннан қолданып келеді екен.
Похожие статьи
Тәжікстанда 9 млн тұрғын 4,1 млн мобильді байланыс қызметін белсенді пайдаланады. Қазіргі уақытта елде «Бабилон», «Тселл», «Мегафон» және «Билайн» секілді мобильді компаниялар жұмыс істейді.
29 шілдеде Хатлон облысының Данғар қаласында жеңіл көлік велосипедпен саяхаттап жүрген шетелдік туристерді қағып кетті.
Тәжікстан ІІМ мәліметі бойынша, көлік жүргізушісі салоннан шығып, туристерге қарсы қарумен және пышақпен шабуылдаған. Екі америкалық және Голландия мен Швейцария азаматы қаза тапқан. Бірнеше шетелдік ауыр жарақатпен ауруханаға жеткізілген.
Бұл оқиғаны «Ислам мемлекеті» террористік ұйымы мойнына алды.
KAZAKBOL.COM
